ఈమధ్య  కాలంలో  నన్ను  ప్రభావితం  చేసిన  పుస్తకం  'ఏడు  తరాలు ' ఆంగ్లం లో  హేల్లెక్స్  గారు 'ది రూట్స్ ' పేరిట  తన  అనుభవాలను  వ్రాసారు ! సహవాసి  గారు  తెలుగు లోఅనువదించారు !ఆంగ్లమూలం  చెడకుండా  భావాలను
   తెలిపారు !                                                                                                                                         
 నాగరికత  నవసమాజం  కేవలం  ఒకరి  సొత్తుకాదు !మానవ ఇతిహాసం  లో  కొన్ని నగ్నసత్యాలు  సకల మానవాళికి      తెలిసిననాడు  ప్రతి ఒక్కరూ  స్పందించి తీరుతారు !మనసులోతులో   కల్లోల అలలు  యెగసిపడక తప్పదు !ప్రస్తుత     
సమాజం  లో  మనం  యాంత్రిక జీవనం  లో మనబంధువులను, కన్న తల్లితండ్రులను ,అసలు  యెవ్వరి గురించి       
ఆలోచించం !కనీసం  ప్రయత్నం  కూడా  చెయ్యం ! అలాంటిది  ఒక వ్యక్తి  ఏడుతరాల  క్రిందటి  తనమూలాలను వెదుక్కుంటూ  యెంతో లోతుగా  పరిశీలన  చేస్తూ  తాను  అనుకున్న  గమ్యానికి  చేరడం  చాలా గొప్పవిషయం              !శతాబ్దాల కిందటే  ఆఫ్రికా  మారుమూల  గ్రామాల్లో  పరిపాలనా వ్యవస్థ  వున్నదని నిర్బంధ  విద్య  వున్నదని తెలిసి        విస్తుపోయాను !ఏడుతరాల  బానిస  యదార్థ  విషయాలు  చదువుతుంటే  మనసంతా  మూగపోతుంది !తెల్లవాళ్లు     
దాతలుగా  నల్లవాళ్ళు  గ్రహీతలుగా  వుండే  వ్యవస్థ  పోయి  సమాన భాగస్వాములుగా  వుండే  సామాజిక వ్యవస్థకోసం నల్లజాతివారి  తపన  ఆరాటం  మనో  భావ  సంచలనం   'ఎదుతరాలు ' ప్రతిధ్వనిస్తాయి !                                 
రెండు ఖండాలు , రెండు జాతులు ,రెండు  శతాబ్దాల  యదార్ధ  వ్యధా  చరిత్ర !రచయిత  వాషిగ్టన్  ప్రాచీన  పాత్రభండాగారం  వెళ్లి  తనవారి  పేర్లు   వెతుక్కుని  ఆఫ్రికా భాష  మాండింకా తెలిసిన  వారిని  కలవడం  చాలా  గొప్ప విషయం !గాంబియా  వెళ్లి  తాతముత్తాతలు  పుట్టిన  గ్రామం  జాపూరును  దర్శించడం ,బానిస బతుకుల  వ్యధను
పుస్తకరూపం లో వ్రాయడం  నిజం గా మానవాళి  గర్వించ గల  విషయం !మూడు ఖండాలు  తిరిగి  ప్రాచీన  పత్ర భాండాగారంలో  విషయాలు  సేకరించి  సమకాలీన  ఆఫ్రికా  జీవన సరళి   ప్రతిబింబమే  'ఏడు తరాలు ' మన పాఠకులు అందరూ వీలైతే  తప్పకుండా చదవడానికి  ప్రయత్నించండి !

ప్రతి మనిషి లో  మరో వ్యక్తిత్వం తప్పనిసరి !అంతర్లీన  ఆలోచనలు  భావాలూ  మెరుగుపడిన  స్మృతులు  అసలుమనిషి జాడలు  మనకు తెలియకుండానే  తెలుపుతాం! ఒకరోజు  ఆలా  కళ్ళుమూసుకుని  ఆలోచనలలోనికి  నన్ను  నేను  తొంగి  చూసుకున్నాను !కలం  నన్ను  పలుకరించింది ! గళం  పలుకమన్నది !కానీ  మనసుమాత్రం  మరోలోకం లో     
మధుర మురళిని  ముద్దాడింది !నల్లనయ్య  మోహన  వంశి   అలలతేరుపై నాముందు  వాలింది ! నిజం !సాగరతీరం ,
సంధ్యాసమయం  పున్నమి రేయి  జాలువారే  వెన్నెల  జలతరింగుణుల మధుర  డోలికలు !ప్రకృతిని  మించిన  సౌందర్యమున్నదా ? పట్టణజీవితాలలో  మనం  సున్నితత్వాన్ని  పోగొట్టుకుంటున్నామేమో  కదా ! వానతుంపర్లలో  లేలేత  గడ్డిపరకల తళతళలాడే  నీటిబిందువుల  మధ్యలో  చిన్ని  చిన్ని  పక్షుల  వయ్యారాలు  ! విరుల వనిలో గులాబీరెక్కలపై  మంచుబిందువులు  మల్లెల   మందస్మిత  దరహాసాలు  బాలభానుని  బంగారు  కిరణాలు! ఇంతకన్నా
జీవితానికి  ఇంకేం  కావాలి !తెలియని భావావేశం  కనుల  కొలనులో  చుక్కై  పెదాలను తడిమింది !                                   
                                       అందెల రవళుల పదమంజీరములు 
                                        సరిగమల  సవ్వడి  సొగసుల  తెలుప                                                                     
                                         కలువ కనుల  కాటుకరేకలు కరగని                                                                       
                                         కమనీయ  కలలను కన్నుల  తెలుప                                                                     
                                          చిలిపినవ్వుల  చిన్నారిపెదవులు                                                                           
                                          సిరిమల్లెల సొగసులు  విరబూయ                                                                           
                                          పయనమాయె  నా మానస  మయూరి
                                         పురివిప్పిన  శిఖిపింఛ  మౌళికై మిత్రమా ! 

చిటెక్నాలజీ  పెరిగింది  !మరి  దాని పరిణామాలు ?స్వేచ్ఛ  జన్మహక్కు !ఎప్పుడు ?పెడదారి  పట్టనంతకాలం ! పిల్లలకు  తల్లితండ్రులు  అన్ని  వసతులు  యేర్పరుస్తున్నారు!చాలా సంతోషం ! కానీ  పర్యవేక్షణ  మర్చిపోతున్నారు .ఒకవిధం గా యువతలో  అభద్రతాభావం  వారిని  వక్రమార్గంలోకి  తోస్తున్నది !రోజూ పిల్లలదగ్గర  కూచుని  బళ్ళో  విషయాలు  అడిగి తెలుసుకోవాలి !వాళ్ళు చెప్పేది  వినాలి !కానీ నేటి తల్లితండ్రులకి  ఆ  ఓపికలేదు !బడి  నించి  రాగానే  వెంటనే  ట్యూషన్  కి పంపెయ్యాలి !అక్కడినించి  రాగానే  డిన్నర్ ! అప్పుడు కాసేపు  వాళ్ళని  దగ్గరగా  ప్రశ్నించితే  సమస్యలు  తలెత్తవుగా స్వేచ్హహకు  హద్దుగియ్యాలి !పిల్లలతో  పెద్దలు  సాంకేతిక  విషయాలలో  అవగాహన కలిగివుండాలి !అతిస్వేచ్ఛ  వినాశనానికి  మార్గం  యేర్పరుస్తుంది,పాఠశాలలు  కూడా  విద్యార్ధులపై నిఘా  ఉంచాలి ,మనం మొక్క  నాటుతాం !రోజూ నీళ్లు పోస్తాం! దాని  యెదుగుదల ఆకుపచ్చని  ఆకులు చూసి  ఆనందిస్తాం !అదేసమయంలో  మొక్కకు మట్టి ఎరువు  ఆలోచిస్తాం !పురుగు పడితే  మందు వేస్తాం !మార్గాలు  వెతుకుతాం !పిల్లలూ మొక్కలాంటి  వారే !తప్పు వారిది  కాదు !పెద్దల్లారా  కళ్ళు  తెరవండి !సంపాదన  పిల్లలకోసమేగా ?మరి ఆ పిల్లలే  విషవలయం  లో  క్కుకుంటే  మీ  సంపాదన  వాళ్ళను  వైద్యుల  చుట్టూ  తిప్పటానికి  సరిపోతుంది ! ధనార్జనలో  పిల్లల  భవిష్యత్తుని  తీర్చిదిద్దే  బాధ్యత  మర్చిపోవద్దు  ప్లీజ్ !      

చితిలో  కాలేది తనువు, చింతల  కూలేది  మనసు !                                                                                              
మమతల బంధాలకు  మౌనమే  మరణమా?                                                                                                      
కలువ కనుల  కురిసిన  కన్నీరు  కడలిని  తాకేనా ?                                                                                              
విధి  రాతలో  వసివాడిన  సన్నజాజి  నవ్వేనా ?                                                                                                  
కాలగతిలో చుక్కలు  వెలుగు  తోవ  చూపేనా ?                                                                                                  
మనసును  నమ్మిన  మనసమ్మినా,                                                                                                                    మిగిలేది  మిగిలేది  కన్నీరే మిత్రమా !! 

సన్నజాజి  పరిమళం  పిల్లతెమ్మెర   నెత్తావి                                                                                                              
సిరిమువ్వల  రవళి పదమంజీర  హంసధ్వని !                                                                                                        
నీలినింగి  చినుకుల జల్లు కడలి  అలల  ఊయల !                                                                                                    
పల్లవించిన  మనసు  పులకిత వనమయూరి !                                                                                                        
సలలిత  సంధ్యాసుందరి తూరుపు అధరపు మధువు !                                                                                              
పున్నమి  జాబిల్లి వెన్నెల  జలతారు  చల్లని  కిరణం !                                                                                           పచ్చని  ప్రకృతి పుడమి  తల్లి  కదంబపుమాలేకదా నేస్తమా !!

                                                                                           
వేదాలు ఘోషించె నాటి భారతం!                                                                                                                        
రేవులో  తూలి  సోలి  వూగె నేటి  భారతం !                                                                                                          
ఓంకార  ప్రణవం నాటి భారతం !                                                                                                                        
మరణ మృదంగం నేటి  భారతం !                                                                                                                        
పుణ్య మంత్రాల పునీతం నాటి భారతం !                                                                                                                
మానభంగాల  పర్వం నేటి భారతం !                                                                                                                
పుడమి తల్లి పచ్చల హారం నాటి  భారతం !                                                                                                            
పుల్లలైన బీడుభూమి  నేటి  భారతం !                                                                                                                  
ప్రభవించిన  పౌరుషం నాటి  యువ భారతం  !                                                                                                        
మత్తులో  మనసు చచ్చిన నేటి యువభారతం !    
జాతి  గౌరవింప  జన జీవన  స్రవంతిలో ,                                                                                                                    
చైతన్య  యువ కిరణమై  నేటి  భారతం లో ,                                                                                                        
నాటి భారత  భావ జలధిగా సాగిపో  మిత్రమా !!

ఊహల  పల్లకిలో  విహరించిన  పరువమా !                                                                                                            
ఆశల  అలజడి  జ్వాలలో  కరిగిన  మరువమా!                                                                                                        
మరిచిక  ఛాయలో  మేను మరిచిన  మల్లికా !                                                                                                        
కఠిన శిలలో  మల్లెతీగ  మనలేదమ్మా !                                                                                                                  
                                                        

అత్యాచారాలు ,ఆత్మహత్యలు ,వార్తలు చదవని  ఒక్కరోజు  కోసం  ఎదురు చూడాల్సిన పరిస్థితి  వచ్చింది !దోచుకోవడాలు  దోపిడీలు ,పిల్లల్ని  ఎత్తుకెళ్ళడాలు  !!!! మన సమాజం  ఎటు  వెళ్తున్నది ? టెక్నాలజీ  పెరిగింది  కాబట్టి  పురోగమనం  అనుకుందామా  లేక   మనసనేది చచ్చిన  తిరోగమనమనుకుందామా ? విపరీత  ధోరణికి  కారణం  యేమిటి ? పరిష్కారమే  లేని  సమస్యలా? చిన్ని  చిన్ని  చిన్నారి  బాలికలు  యే పాపం  చేసారు ? మృగాళ్ల   బలిపశువులు  అవుతున్నారు !శిక్షలు లేవా! న్యాయ  వ్యవస్థలో  లొసుగులు  చట్టాలు  వాడుకుని  సులభం  తప్పించుకుంటున్నారు !న్యాయస్థాన తీర్పులు వీళ్లల్లో  మార్పు  తేలేకపోతున్నాయి ! మానసికం  గా పరివర్తన  రావాలి! ఎలా ? గృహ  వాతావరణం  కట్టుదిట్టం గా  వుండాలి!తల్లి ,తండ్రి  పిల్లలకు   బాల్యం  నించే  విలువలను  బోధించాలి !ఆడపిల్లలకు నడవడికలు  ,నేర్పాలి !మగపిల్లలకు  సమాజం  లో  గౌరవం  గా  మెలగడం  నేర్పాలి !అలాగే  బళ్ళల్లో  ఉపాధ్యాయు లు

చదువో తో పాటు సంస్కారం  బోధించాలి!యువత  మానసిక  రోగులుగా  తయారవుతున్నారు !నా దృష్టిలో  వాళ్ళ  అబ్బాయిలు  అమ్మాయిలపై  అత్యాచారం  చేస్తే  వెంటనే  అబ్బాయిల  తల్లి తండ్రులను  పోలీస్  స్టేషన్  కి  పిలిపించి  చేత  అబ్బాయిలకు  లాగి  చెంప  పగలగొట్టించాలి !తరువాత  సంగతి  తరువాత  !అబ్బాయిలకు  అక్కయ్య కానీ చెల్లి  కానీ వుంటే వాళ్ళచేత  కూడా  చెంప  పగల గొట్టించాలి ! అబ్బాయిలకు  డబ్బు యిచ్చినా అప్పుడప్పుడు  ఎలా ఖర్చు పెడ్తున్నాడో  ఒక కన్నేసి   ఉంచాలి !ఇవన్నీ  సాధ్యమా  అనుకుంటారు  కదూ!తల్చుకుంటే  సాధ్యమే !తల్లి తండ్రులు  యెవరికోసం సంపాదిస్తున్నారు ?పిల్లలకోసమే  కదా ?భవిష్యత్తు  బాగుండాలంటే  తప్పనిసరిగా వాళ్ళు కఠినంగా  వుండాలి !అలాగే  అమ్మాయిలు  కూడా  అనవసర  ప్రసంగాలు  చేస్తూ  రెచ్చగొట్టే  ధోరణి  మానుకోవాలి !తీరా రెచ్చకొట్టి  వాడు  దగ్గరకు  వస్తే  తప్పెవరిది ?మగపిల్లలతో  మాట్లాడడం  తప్పులేదు !  విపరీత  ధోరణి  పనికి రాదు ! మన ఖర్మ  కాలి యిప్పుడు వచ్చే  సినిమాలన్నీ వింత  టైటిల్స్  రోతపుట్టె కథలు !ముందు ఈ రకం  సినిమాలు  ఆగాలి !సమాజం లో  సానుకూల  మార్పులు  రావాలంటే  ప్రతి వ్యక్తి  ప్రశ్నించే  ధోరణి  అలవరచుకోవాలి !విపరీత  ధోరణులకు  అడ్డుకట్ట  వెయ్యాలి !మనం ,మనసమాజం మనమే కదా ! భవిష్యత్తు  సమాజం  మనదే కదా !

నా భావాలు: సప్తవర్ణ హరివిల్లులో మెరుపు తీగను ! ...

నా భావాలు: సప్తవర్ణ హరివిల్లులో మెరుపు  తీగను !              ...: సప్తవర్ణ హరివిల్లులో మెరుపు  తీగను !                                                                                                       ...

సప్తవర్ణ హరివిల్లులో మెరుపు  తీగను !                                                                                                                
రాగాల  వీణలో  మధుర  తంత్రిని !                                                                                                                      
సప్తస్వర  నాదం  లో శ్రావ్య  గీతికను !                                                                                                                    అందాల  విరుల తోటలో  సున్నిత  గులాబిని!                                                                                                        
సాగర సంగమ  తీరం  లో  అలల  జలఝరిని !                                                                                                      
వసంత ఋతువున విలాస  రంగుల  వీచికను !                                                                                                      
నవచైతన్య నవ పరిమళ  నాట్య  మయూరిని  నేను  నేస్తమా !!     

మహిళలకు  సమాజం  లో  వున్నతస్థానం వుంది !ఆదినించి మన  భారతీయసమాజం  లో  విశిష్టమైన  పాత్ర  స్త్రీ  !         వేదయుగం  లో  స్త్రీ  పురుషులతో సమం  గా సాహిత్య  రంగం  లో  తన   రచన వ్యాసంగాన్ని  కొన సాగించింది . రాజకీయరంగం  పరిపాలనా చాతుర్యాన్ని  చాటింది .ఇల్లాలిగా  తన  ధర్మాన్ని  నెరవేర్చింది . కానీ  ఈ రోజు  అదే  స్త్రీ  సమానహక్కుల  కోసం  పోరాడుతున్నది . ఈ  పరిస్థితి  యీ పరిణామం యెలా మొదలు  అయ్యింది ?హక్కు  కోసం
స్త్రీ  పోరాడుతున్నది  అంటే  ఆమె ఒకవిధం  గా  ఓటమి  ఒప్పుకున్నట్టే  కదా ! హక్కు  ఒకళ్ళు  యిస్తే పుచ్చుకునేది కాదు ! స్త్రీ కి ఆదినించి  అన్ని  హక్కులు  వున్నాయి ! కుటుంబ  వ్యవస్థను  ముఖ్యంగా  వివాహ  వ్యస్థను  చిన్నాభిన్నం
 చేయడానికి  అందులో  మన  భారతీయ  సమాజాన్ని  చిన్నాభిన్నం  చేయడానికి  ఇది ఒక సాధనం!ఎప్పుడైతే  వ్యవస్థ
అస్తవ్యస్తం  అవుతుందో  అప్పుడు  సమాజాన్ని దెబ్బతీయవచ్చు  !స్త్రీ  తన  వ్యక్తిత్వం  తన  హక్కుగా  తీర్చి  దిద్దుకోవాలి !మహిళ నిరంతర  చైతన్య  తేజోపుంజం !

ఆకాశం  లో  సగం  అన్నారు ,అవనే నీదన్నారు!                                                                                                
పుడమి తల్లి ఒడిలో చిన్నారివి నివేనన్నారు !                                                                                                  
చిరునవ్వుల కలల వెలుగువు  నివేనన్నారు                                                                                                        
వన్నెతరగని పసిడి  పూబాలవన్నారు                                                                                                                
మమతల  మానవత్వమా మధుర  స్మృతిగా                                                                                              
మణిమయ  దీపికగా  మల్లెల  తావిగా  పరిమళించు !

                                    అంతర్జాతీయ  మహిళా దినోత్సవ సందర్భాన  నా చిన్ని  కవిత !

సృష్టి  లో  ప్రతిజీవికి  మనసు  వున్నది ,హృదయం  వున్నది . ఆలోచించే  శక్తివుంది.ప్రతిజీవి  తనలోని  హృదయ  భాషను  బహిర్గతం  చేస్తుంది !కానీ  అన్నిజీవుల  భాషలు  అన్ని  జీవులకు  అర్ధం  కావు . భాష  ఒకటే అయినా  భావ  వ్యక్తీకరణ  వేరు !చెప్పాలంటే  గోవు  పిలిచే  ' అంబా ' అనే పిలుపు  ఆవేదన లో  ఒక  రకం  గా ఆవేశం  లో  ఒక రకం గా ఆనందం లో  ఒకరకం  గా పలుకుతుంది .మనం ప్రతి రోజు  గోవును  గమనిస్తే   ఆలోచనకు  అనుగుణం  గా  భావాన్ని వ్యక్తం  చేస్తున్నట్టు  తెలుస్తుంది .మనం  కూడా  ఆలోచిస్తున్నాము  భావాలను  తెలుపుతున్నాము .కాకపోతే  మనకు అన్యజీవులకు  ఒకేఒక్క  తేడా  వున్నది !మన  ఆలోచనలు ,భాష ,భావం  సమాజాన్ని ప్రభావితం  చేస్తుంది .అందువల్ల పరిణామాలు  వాటికనుగుణం  గా  వుంటాయి!ఆలోచన  సక్రమమై ఆచరణ సక్రమమైతే  సమాజం  సలక్షణం  గా  వుంటుంది! ఆలోచన  వక్రం,ఆచరణ  వక్రం  ఆయితే సమాజం  విలక్షణం  గా  వుంటుంది ! మనసు కు  మంచి  ఆలోచన మంచి ఆచరణ  కావాలి ,ఆలోచనా ప్రవాహానికి  దిశానిర్దేశం  కావాలి !దిశానిర్దేశానికి సాహిత్యం  యెంతో దోహదం  చేస్తుంది అలాగే  మన  భావాలను  నలుగురి తో  పంచుకుంటే  కొన్ని  మనకు  తెలియని  ఆణిముత్యాలు  బయటికి  వస్తాయి !     సత్యం  లో  అలోచించి  సత్యాన్వేషణ  చేసినప్పుడే  ఆలోచనలు  మంచి ఫలితాన్ని  యిస్తాయి,భ్రమలో జీవించవద్దు భ్రమ  లో  ఆలోచించవద్దు !ఆలోచన విజయాపథం  లో  నడిస్తే  ఆచరణకు   సమాజం  నీరాజనం  పడుతుంది !