ప్రేమంటే  అర్ధమే  తెలియని  లేతబాల్యం లో ,                                                                                                      
అందమైన  ఆటలెన్నో  తోటలో  ఆడుకున్నాం ,                                                                                                  
కోయిలమ్మ  తీయ  తీయని  కుహుకుహూ లతో   మైమరిచాం ,                                                                          
నా పాటలో  నీ మాట  కలిపి  భావాలను  పంచుకున్నాం ,                                                                                      
సాగర సంగమ  తీరం లో  వడి వడి  అడుగుల  పరుగులు ,                                                                                
ఎన్ని  యుగాలైనా  చెదరని  చెరగని  నవ  చైతన్య  జాడలు ,                                                                              
సన్నజాజుల  పరిమళాలలో మమతల  మాలలల్లుకున్నాం ,                                                                              
సన్నని  వానతుంపర్లలో  బొమ్మరిల్లు కట్టుకున్నాం ,                                                                                          
పంచదార చిలకలను  పంచుకుంటూ  తియ్యతియ్యగా  నవ్వుకున్నాం ,                                                                      
బాల్యపు మాధుర్యాలను  మనసంతా  నింపుకున్నాం ,                                                                                    
కాలగతిలో  దూరతీరాలకు  పయనమై  తరలిపోయాం ,                                                                                    
అందమైన  బాల్యం  కనులముందే కదిలిపోయింది ,                                                                                          
అందరానంత దూరాన  యెవరికి వారమయ్యాం ,                                                                                                
కానీ  ఆనాటివిరితావుల  సుగంధాలు  యీనాటి మన మధుర  జ్ఞాపకాలే  కదా ,                                                     మానసిక  బంధాలకు  మధుర  భావనలకు భాషయెందుకు??                                                                                  
దైహిక  బంధాలకు  అతీతం  గాఐ ఊపిరి  లో  ఊపిరిగా  యెన్నడో కలిసిపోయాం  నేస్తమా  !!!